Nazir: Ermənistanın Azərbaycanın təklif etdiyi beş prinsipi qəbul etməsi mühüm addımdır

“Ermənistanın Azərbaycanın təklif etdiyi beş əsas prinsipi qəbul etməsini ilk və mühüm addım hesab edirik”...

Bakı, Gülnarә Quliyeva, İnteraz - 13 Aprel 2022, 11:23

“Ermənistanın Azərbaycanın təklif etdiyi beş əsas prinsipi qəbul etməsini ilk və mühüm addım hesab edirik”.

 

İnterAz xəbər verir ki, bunu Azərbaycanın xarici işlər naziri Ceyhun Bayramov jurnalistlərə açıqlamasında deyib.

 

O xatırladıb ki, son illər Azərbaycan Ermənistanı münasibətləri normallaşdırmağa çağırır və bu istiqamətdə səy göstərir: “Bununla bağlı Azərbaycan beynəlxalq hüquqa əsaslanan və həyata keçirilməsi Ermənistan üçün də faydalı olan beş əsas prinsip təklif edib”.

 

Qeyd edək ki, aprelin 6-da Azərbaycan Prezidenti İlham Əliyev, Avropa İttifaqı Şurasının Prezidenti Şarl Mişel və Ermənistanın Baş naziri Nikol Paşinyan arasında Belçikanın paytaxtı Brüsseldə keçirilən üçtərəfli görüşdə bu məsələ müzakirə edilib və tərəflər xarici işlər nazirlərinin gələcək sülh müqaviləsinin hazırlanması üzərində çalışacaqları barədə razılığa gəliblər.

sss