Kişi taekvondoçulardan ibarət millimizdə baş məşqçi dəyişikliyi baş verib

Reza Mehmandust kişi taekvondoçulardan ibarət Azərbaycan milli komandasının baş məşqçisi vəzifəsindən istefa verib...

Bakı , Gülnarә Quliyeva, İnteraz - 23 Iyun 2022, 13:55

Reza Mehmandust kişi taekvondoçulardan ibarət Azərbaycan milli komandasının baş məşqçisi vəzifəsindən istefa verib.

 

İnterAz xəbər verir ki, bu barədə Taekvondo Federasiyasının mətbuat xidməti məlumat yayıb.

 

Bu barədə qərar İdarə Heyətinin növbəti toplantısında qəbul olunub. Toplantıda məşqçi müəllimlərin fəaliyyəti, taekvondoçuların çıxışları müzakirə olunub. Verilən qərara əsasən məşqçi müəllimlərin heyətində müəyyən dəyişikliklər olunub.

 

İranlı mütəxəssis tutduğu vəzifədən öz xahişi ilə ayrılıb. Onun yerinə Məmməd Abdullayev, köməkçi məşqçi Rəşad Məmmədov təyin olunub.

 

Sənan Həşimov isə qadınlardan ibarət milli komandanın böyük məşqçisi postuna təyinat alıb.

sss